5वें संमेलन

पांचवें समेलन मडगांवां गोमंत विद्या निकेतन सभाघरांत १९७९ वर्साच्या मार्च म्हयन्यांत २,३ आनी ४ तारखांक जाल्लें. तीन दिसांचे कार्यावळीन संपन्न जाल्लें ते पयलेंच संमेलन.ह्मा संमेलनाचे अध्यक्ष आसले नामनेचे कोंकणीचे कोशकार श्री.श्रीपद सघुनाथ देसाय .श्री फेलिसियू कार्देज हे येवकार अध्यक्ष आसले.श्री पांडुरंग पै फोंडेकार हे कार्याध्यक्ष आसले.ह्मा संमेलनाचें उदूघाटन नामनेचे हिंदी कवी श्री.भवानीप्रसाद मिश्र हांणी केल्लें.

पयल्या दिसा उक्तावण दबाजो जाले उप्रांत दुसर्‍या आनी तिसर्‍या दिसा वेगवेगळे परिसंवाद आनी चर्चा आनी साहित्य दर्शनाच्यो कार्यावळी जाल्यो. ‘कोंकणी साहित्य-आयचें आनी फायचें’ आनी  ‘भुरग्यांचें साहित्य बरप आनी प्रचार’ हे दोन मुखेल परिसंवाद आसले. ‘पुस्तकांची उजवाडावणि आनी विक्रि’ आनी कोंकणी साहित्य आनी बायलो’ ‘सहित्यदर्शना’ च्या कार्यक्रमांत तरणाटे तशेंच जाणटे हांच्या कथा-काव्यललीत बरपांच्या वाचनाचो आस्पाव आशिल्लो.संमेलनाच्या तीनय दिसांनी रातच्यो संस्कृतीक कार्यावळी जाल्यो.तातूंत लोकगीतां,लोकांनाच, नातकुलीं,तियात्र हांचो समावेश आसलो.

ह्मा संमेलनांत(पयलेच खेपे)कसल्योच थारवण्यो अशो करूंक नासल्यो.पूण  ‘कोंकणीक राष्ट्रीय संविधानाक धरून सगलेकडेन फावो ती हक्का-मानाची सुवात मेळसर आमी कशेच स्वस्थ बसचे नात’ असो उक्ते बसकेंत सगल्यांनी निर्धाराचो रासवळ सोपूत मात घेतल्लो.संमेलनात गोंय तशेंच गोंया भायल्या प्रतिनिधींनी व्हड संख्येन वांटो घेतल्लो.